ترکیہ نے صومالیہ کو جدید ٹینک فراہم کر دیے، موغادیشو کی گلیوں میں نقل و حرکت

موگا دیشو : (پاک ترک نیوز)ترکیپہ نے اپنے لینڈنگ شپ TCG Sancaktar کے ذریعے تقریباً درجن بھر M60 اور M48 ٹینک صومالیہ کے دارالحکومت موغادیشو کے بندرگاہ پر پہنچا دیے ہیں۔
ٹینک اتارنے کے فوراً بعد، عینی شاہدین نے دارالحکومت کی گلیوں میں ان جنگی گاڑیوں کی نقل و حرکت کی ویڈیوز بنائی،جس کو بین الاقوامی میڈیا نےبھی رپورٹ کیا ہے۔
ٹینک کی یہ ترسیل اس وقت سامنے آئی جب ترکیہ کی بحریہ نے ملک کے علاقائی پانیوں میں آپریشنز کا آغاز کیا۔
M48 Patton ٹینک پہلی بار 1950 ءکی دہائی میں امریکہ میں M47 کی جگہ متعارف کروایا گیا تھا۔
ابتدائی ماڈلز میں 90 ملی میٹر توپ نصب تھی، تاہم بعد میں اسے معیاری 105 ملی میٹر توپ سے اپ گریڈ کیا گیا۔ یہ ٹینک ہیمسفیریکل ٹرٹ اور منفرد ہلک ڈیزائن کے لیے جانا جاتا ہے، جو گولہ باری کے دوران اثرات کو کم کرتا ہے۔
M60 ٹینک M48 ماڈل کی بنیاد پر تیار کیا گیا اور اس میں 105 ملی میٹر M68 ریفیلڈ گن نصب کی گئی۔ اس کی ہلک اور ٹرٹ کا زِرہ کاسٹ اسٹیل سے بنایا گیا تھا۔
یہ ٹینک 20ویں صدی کے دوسرے نصف میں کئی NATO ممالک کے لیے مین بیٹل ٹینک کے طور پر استعمال ہوا۔ترکی کی یہ فوجی ترسیل اس خطے میں اپنی عسکری موجودگی بڑھانے اور سومالیہ میں حفاظتی اور فوجی استعداد کو مضبوط کرنے کی کوششوں کی عکاسی کرتی ہے۔