پی ایس ایل کے فائنل کی ٹکٹس کی فروخت کل سے شروع ہوگی ، پی سی بی

لاہور( پاک ترک نیوز) پاکستان کرکٹ بورڈ کا کہنا ہے کہ پاکستان سپر لیگ ( پی ایس ایل )سیزن 11کے فائنل کی ٹکٹس کی فروخت کل سے شروع ہو گی۔
پی سی بی کے مطابق شائقین کرکٹ کل سے آن لائن ٹکٹس خرید سکیں گے، فزیکل ٹکٹس کی فروخت منگل سے شروع ہوگی، فائنل میچ سے قبل شاندار اختتامی تقریب کا انعقاد بھی ہوگا ۔
فائنل میچ کی ٹکٹ کی کم سے کم قیمت 1500 روپے جبکہ زیادہ سے زیادہ 12 ہزار رکھی گئی جنرل انکلوژر کے ٹکٹ کی قیمت 1500 روپے مقرر کی گئی ہے۔
وی آئی پی انکلوژرز کے ٹکٹ کی قیمت 6 ہزار، پریمیئم انکلوژرز کے ٹکٹ کی قیمت 4 ہزار روپے مقررفرسٹ کلاس انکلوژرز کے ٹکٹس کی قیمت 2ہزار روپے مقرروی وی آئی پی فار اینڈ کی ٹکٹ 8 ہزار، گیلری 12ہزار جبکہ وی وی آئی پی نیو پویلین کے ٹکٹس 10 ہزار روپے میں دستیاب ہوں گے۔
واضح رہے کہ پاکستان سپر لیگ ( پی ایس ایل )سیزن 11کا فائنل 3 مئی کو لاہور میں کھیلا جائے گا