نیویارک (پاک ترک نیوز )طالبان رجیم میں افغانستان سے جوہری دہشت گردی کا خطرہ،اقوامِ متحدہ نے انتباہ جاری کر دیا ۔
افغان طالبان رجیم نےاپنا جابرانہ تسلط برقراررکھنے کیلئے دنیا بھرکی دہشتگردتنظیموں کوپناہ دے رکھی ہےافغانستان میں طالبان رجیم کی چھتری تلے موجود یہ عالمی دہشت گرد تنظیمیں دنیا بھرکیلئے بڑا خطرہ بن گئیں۔
ڈائریکٹرانسداد دہشت گردی کا کہنا ہے کہ اقوام متحدہ نے افغانستان سے جوہری دہشت گردی کے سنگین اورممکنہ خطرے سے دنیاکوخبردارکردیا۔اقوام متحدہ کے انسداد دہشت گردی مرکزکے مطابق تاجکستان سے چوری یورینیم ڈائی آکسائیڈ کی حامل133گولیاں افغانستان میں موجود القاعدہ کے ہاتھ لگ سکتی ہیں چوہری دہشت گردی کا خطرہ آج سب سے زیادہ ہے۔
ماہرین کے مطابق یواین،امریکہ،پاکستان،یورپی اوروسطی ایشیائی ممالک بارہا افغانستان سے پنپتی دہشت گردی کوسنگین خطرہ قراردے چکے ہیں۔افغانستان میں دہشت گرد جدید ٹیکنالوجی اورغیرملکی جنگجوؤں کے ساتھ جوہری دہشت گردی کا حقیقی خطرہ پیدا کررہے ہیں۔
طالبان رجیم میں افغانستان سے جوہری دہشت گردی کا خطرہ
