اسلام آباد ( پاک ترک نیوز) وفاقی وزیر طارق فضل چودھری نے سینیٹ میں اظہار خیال کرتے ہوئے کہا ہے کہ حکومت سپریم کورٹ کے فیصلے پر من و عن عمل کرے گی، بانی پی ٹی آئی کے مقدمات عدالتوں میں زیر سماعت ہیں اور عدالتیں ہی ان کا فیصلہ کریں گی۔
طارق فضل چودھری نے کہا کہ ہمارے قائدین بھی جب قید میں تھے تو انہیں عدالتوں کے ذریعے ریلیف ملا۔ آج پی ٹی آئی والے بھی مان گئے ہیں کہ عدالتوں میں انصاف ہو رہا ہے۔
انہوں نے کہا کہ تحریک انصاف کی جانب سے ماضی میں عدالتوں کے بارے میں جس طرح کی زبان استعمال کی گئی، وہ قابل مذمت ہے۔
یہ بھی پڑھیں: وزیراعظم کا نیشنل یوتھ ایمپلائمنٹ پالیسی پر تیز عملدرآمد کا حکم
وفاقی وزیر نے پی ٹی آئی کو مشورہ دیا کہ وہ سمجھ لے کہ پرتشدد احتجاج سے کچھ حاصل نہیں ہوگا، مسائل کا حل آئینی اور قانونی راستے سے ہی ممکن ہے۔
