الیکشن کمیشن نے تحریک انصاف اور سنی اتحاد کونسل کے تمام ارکان کو آزاد قرار دیدیا

اسلام آباد ( پاک ترک نیوز) الیکشن کمیشن نے صوبائی اور قومی اسمبلی میں سیاسی جماعتوں کی پارٹی پوزیشن جاری کر دی۔
الیکشن کمیشن نے سنی اتحاد کونسل کے تمام اراکین کو آزاد قرار دے دیا ، الیکشن کمیشن کے مطابق پی ٹی آئی کے حمایت یافتہ تمام اراکین بھی آزاد تصور ہوں گے۔
الیکشن کمیشن کا کہنا ہے کہ پنجاب، خیبر پختونخوا ، سندھ اور قومی اسمبلی کی پارٹی پوزیشنز ازسرنو ترتیب دی گئی ہیں ، سپریم کورٹ فیصلے کے بعد ارکان کی وابستگی پی ٹی آئی یا سنی اتحاد کونسل سے ظاہر نہیں ہو گی۔
الیکشن کمیشن کی جانب سے سپریم کورٹ کے 25 اگست کے حکم کی روشنی میں نوٹیفکیشن جاری کر دیا گیا ہے۔ الیکشن کمیشن نے اسمبلیوں میں پارٹی پوزیشنز سے متعلق نئی فہرستیں جاری کر دی ہیں۔