آر اے شمشاد
پاکستان کرکٹ ٹیم کے مایہ ناز بلے باز بابر اعظم سابق بھارتی کپتانوں روہت شرما اور ویرات کوہلی کے ساتھ دلچسپ ریکارڈ کے مالک ہیں ۔
دنیا کرکٹ کے تین سپر سٹار کھلاڑی ایک دلچسپ ریکارڈ کے مالک کے ہیں ۔ تین بلے باز تمام فارمیٹس ٹیسٹ ، ون ڈے اور ٹی ٹونٹی میں 4000سے زائد رنز بنانیوالے کھلاڑی ہیں ۔ان تین بلے بازوں کے علاوہ دنیا کا کوئی بھی کھلاڑی تینوں فارمیٹس میں 4000رنز سکور نہیں کر سکا ہے ۔
https://www.youtube.com/watch?v=9NhEifHfmZ4
بابر اعظم نے ٹیسٹ میں 4235جبکہ ایک روزہ میچوں میں 6291اور ٹی ٹونٹی میں 4223رنز بنا رکھے ہیں ۔ مایہ ناز بلے باز بابر اعظم نے 59ٹیسٹ ،134ون ڈے اور 128ٹی ٹونٹی میچز کھیل رکھےہیں ۔
دوسری جانب بھارتی کپتان روہت شرما نے ٹیسٹ میں 4301، ون ڈے میں 11168رنز بنا رکھےہیں جبکہ مختصر فارمیٹ میں ان کے رنز کی تعداد 4231ہے ۔ سابق بھارتی کپتان نے 67ٹیسٹ ،273ایک روزہ اور159ٹی ٹونٹی میچز میں بھارتی ٹیم کی نمائندگی کی ہے۔
https://www.youtube.com/shorts/ArKmFzcfCvs
اسی طرح سابق بھارتی قائد ویرات کوہلی نے ٹیسٹ میں 9230،ایک روزہ میچوں میں 14181اور ٹی ٹونٹی میں 4188رنز بنا رکھے ہیں ۔ کوہلی نے بھارت کی جانب سے 123ٹیسٹ ،302و ن ڈے اور 125ٹی ٹونٹی میچز کھیلے ہیں ۔
