لاہور (پاک ترک نیوز ) پنجاب میں 32 لاکھ ایکڑ رقبہ پر کپاس کی کاشت کا ہدف مقرر کر لیا گیا ،سیکرٹری زراعت پنجاب افتخار علی سہو کی زیر صدارت ملتان میں اہم اجلاس ہوا جس میں کپاس کی کاشت کی موجودہ صورتحال کا جائزہ لیا گیا
سیکرٹری زراعت پنجاب افتخار علی سہو کا کہناہے اب تک کپاس کی کاشت کا 30 فیصد ہدف حاصل کرلیا گیا،کاشتکاروں کو کپاس کی جدید پیداواری ٹیکنالوجی بارے آگاہی دی جائے،کپاس کے علاقوں میں نہری پانی کی وافر مقدار میں فراہمی یقینی بنائی جارہی ہے،کھادوں اور زرعی ادویات میں ملاوٹ کے خلاف زیرو ٹالرنس پالیسی پر عمل پیرا ہیں
سیکرٹری زراعت پنجاب افتخار علی سہو نے ملتان میں قائم ماڈل ایگری مال کا دورہ کیا ور کہا ماڈل ایگری مالز پر کاشتکاروں کیلئے پرکشش پیکج متعارف کرائے جائیں، صوبہ کے مختلف اضلاع میں مزید 10 ماڈل ایگری مالز زیر تعمیر ہیں
