خود کش حملہ: اقوام متحدہ کا دہشتگردوں کو انصاف کے کٹہرے میں لانے کا مطالبہ

نیویارک(پاک ترک نیوز ) اقوام متحدہ کے سیکرٹری جنرل انتونیو گوتریس نے اسلام آباد میں دہشتگردانہ حملے کی مذمت کی ہے۔
اقوام متحدہ کے سیکرٹری جنرل انتونیو گوتریس نے کہا کہ خود کش حملے میں جانی نقصان پر دکھ ہوا، متاثرہ خاندان سے تعزیت اور زخمیوں کی جلد صحتیابی کیلئے دعا گو ہوں۔
انتونیو گوترس نے مزید کہا کہ دہشتگردی میں ملوث افراد کو انصاف کے کٹہرے میں لایا جائے، اسلام آباد میں ہونے والی دہشتگردی کی مکمل تحقیقات کی جائیں۔
یاد رہے کہ گزشتہ روز اسلام آباد کچہری کے باہر فتنہ الخوارج کی جانب سے کیے جانے والے خود کش دھماکے میں 12 افراد شہید اور 36 زخمی ہوگئے تھے، امریکا اور چینی سفارتخانے نے بھی پاکستان میں دہشت گردی کے واقعے کی مذمت کی۔