آر اے شمشاد
پاکستان اور جنوبی افریقہ کے درمیان پہلے ٹیسٹ میچ کا کل سے آغاز ہو گا ۔ پہلا میچ 12سے 16اکتوبر تک لاہورکے قذافی سٹیڈیم میں کھیلا جائے گا ۔
دونوں ٹیمیں کی جانب سے پہلے ٹیسٹ میچ کیلئے بھرپور پریکٹس جاری ہے ۔ پاکستان ٹیم کی قیادت شان مسعود کریں گے جبکہ سائوتھ افریقہ کے قائد ایڈمارکرم ہیں ۔
https://www.youtube.com/watch?v=cVVLQZBFo9Y
اب تک دونوں ٹیموں کے درمیان 30ٹیسٹ میچ کھیلے جاچکے ہیں جہاں سائوتھ افریقہ کا پلڑا بھاری ہے ۔ جنوبی افریقہ نے 17ٹیسٹ میچوں میں کامیابی حاصل کی ہے جبکہ 6میچز میں شاہین فتح یاب ہوئے ہیں ۔پاکستان اور سائوتھ افریقہ کے درمیان 7ٹیسٹ میچز ڈرا ہو چکے ہیں ۔
جنوبی افریقہ کا پاکستان کیخلاف ٹیسٹ میں زیادہ سے زیادہ سکور 620ہے جو اس نے 2003میں بنایا تھا جبکہ پاکستان کا سائوتھ افریقہ کیخلاف زیادہ سے زیادہ سکور 478ہے ۔
https://www.youtube.com/shorts/3aoNiqmvSzQ
دونوں ٹیموں کی جانب سے ٹیسٹ میں سب سے زیادہ رنز جیک کیلس نے بنائے ہیں ۔جیک کیلس نے 19میچز میں 1564رنز بنائے ہیں ۔ دوسرے نمبر پر گریم سمتھ ہیں جنہوں نے پاکستان اور جنوبی افریقہ کے درمیان باہمی ٹیسٹ میچوں میں 1259رنز بنا رکھےہیں ۔ پاکستان کی جانب سے جنوبی افریقہ کیخلاف زیادہ رنز یونس خان نے 990نے بنائے ہیں ۔
اگر بائولنگ کے شعبے کی بات کی جائے تو ڈیل سٹین باہمی ٹیسٹ میچز میں 59وکٹیں حاصل کر کے پہلے نمبر پر موجود ہیں ۔شان پولاک 45کے ساتھ دوسرے ،مکھایا انتینی 41کے ساتھ تیسرے جبکہ پاکستان کے دانش کنیریا 36وکٹوں کے ساتھ چوتھے نمبر پر موجود ہیں۔
