کراچی ( پاک ترک نیوز) سندھ ہائیکورٹ کے عدالتی احاطے میں ویڈیو ریکارڈنگ اور فوٹوگرافی پر مکمل پابندی عائد کردی گئی، پابندی کا باقاعدہ نوٹیفکیشن جاری کردیا گیا۔نوٹیفکیشن کے مطابق عدالتی کمروں، راہداریوں، انتظار گاہوں اور دفاتر کے اطراف موبائل فون سے ویڈیو بنانے یا تصاویر لینے کی اجازت نہیں ہوگی۔عدالت کی جانب سے واضح کیا گیا ہے کہ پابندی کی خلاف ورزی کرنے والوں کے خلاف سخت کارروائی کی جائے گی، جبکہ خلاف ورزی کی صورت میں متعلقہ موبائل فون یا دیگر ریکارڈنگ ڈیوائس ضبط کی جاسکے گی۔
یہ بھی پڑھیں: ایل این جی کی قیمت میں 21 فیصد سے زائد کی بڑی کمی
نوٹیفکیشن کے مطابق صحافیوں کو بھی عدالتی احاطے میں میڈیا چوک کے علاوہ کسی دوسرے مقام پر ویڈیو ریکارڈنگ یا فوٹوگرافی کی اجازت نہیں ہوگی۔سندھ ہائیکورٹ انتظامیہ نے تمام متعلقہ افراد کو ہدایات پر سختی سے عملدرآمد یقینی بنانے کی ہدایت کردی ہے۔
