ریاض ( پاک ترک نیوز) سعودی ولی عہد اور وزیراعظم شہزادہ محمد بن سلمان اور مصری صدر عبدالفتاح السیسی کے درمیان قاہرہ میں اہم ملاقات ہوئی، جس میں خطے کی مجموعی صورتحال اور باہمی دلچسپی کے امور پر تبادلہ خیال کیا گیا۔ملاقات کے دوران دونوں رہنماؤں نے آبنائے باب المندب اور بحیرۂ احمر میں بحری آمدورفت کی آزادی اور سلامتی یقینی بنانے کی ضرورت پر زور دیا۔مصری صدر عبدالفتاح السیسی نے سعودی عرب کی سلامتی اور استحکام کے تحفظ کے لیے کیے جانے والے اقدامات کی حمایت کا اظہار کیا۔
یہ بھی پڑھیں: سعودی عرب نے یورپ کو تیل کی سپلائی روک دی
مصر نے یمن کے بحران کے جامع اور پائیدار سیاسی حل کے لیے جاری کوششوں کی حمایت کا بھی اعادہ کیا۔دونوں رہنماؤں نے خطے میں امن و استحکام کے فروغ اور کشیدگی کم کرنے کے لیے تعاون جاری رکھنے پر بھی زور دیا۔
