مکہ مکرمہ ( پاک ترک نیوز) وزیراعظم شہباز شریف کی سعودی ولی عہد محمد بن سلمان سے مکہ مکرمہ میں ملاقات ہوئی ہے ۔
وزیراعظم محمد شہباز شریف اپنے دورۂ سعودی عرب کے دوران قصر الصفا پہنچے، جہاں سعودی ولی عہد اور وزیراعظم شہزادہ محمد بن سلمان بن عبدالعزیز آل سعود نے ان کا پرتپاک استقبال کیا۔
وزیراعظم شہباز شریف اور سعودی ولی عہد کے درمیان دوطرفہ ملاقات ہوئی ، جس میں باہمی تعلقات، اقتصادی تعاون، سرمایہ کاری اور خطے کی مجموعی صورتحال پر تبادلہ خیال کیا کیا گیا۔
یہ بھی پڑھیں: وزیراعظم، نائب وزیراعظم اور فیلڈ مارشل کی عمرے کی ادائیگی
ملاقات میں نائب وزیراعظم و وزیر خارجہ سینیٹر محمد اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر اور وزیر دفاع خواجہ محمد آصف بھی وزیراعظم کے ہمراہ موجود ہیں۔
