لندن ( پاک ترک نیوز) پاکستان کے قومی ٹیسٹ اسکواڈ نے انگلینڈ کے خلاف ٹیسٹ سیریز کی تیاریوں کا باقاعدہ آغاز کردیا۔قومی ٹیم کے پہلے پریکٹس سیشن میں کھلاڑیوں نے بھرپور فزیکل ڈرلز اور فیلڈنگ کی مشقیں کیں، جبکہ کوچنگ اسٹاف نے کھلاڑیوں کی فٹنس اور فیلڈنگ پر خصوصی توجہ دی۔
نئے بیٹنگ کوچ مائیکل اسمتھ نے بھی قومی ٹیم کو جوائن کرلیا۔ پریکٹس سیشن کے دوران مائیکل اسمتھ نے بیٹرز کے ساتھ خصوصی بیٹنگ سیشن کیا اور ان کی تکنیک کا جائزہ لیا۔
یہ بھی پڑھیں: پاکستان ہاکی کے لیے بڑی پیش رفت، متعدد بین الاقوامی سیریز طے
قومی ٹیسٹ اسکواڈ انگلینڈ کے خلاف سیریز میں بہتر کارکردگی کے لیے بھرپور تیاریوں میں مصروف ہے، جبکہ کھلاڑیوں نے پہلے ہی سیشن میں اپنی فٹنس اور فیلڈنگ کے معیار کو بہتر بنانے پر توجہ مرکوز رکھی۔
