لاہور( پاک ترک نیوز) پاکستان کرکٹ بورڈ (پی سی بی )نے قومی کرکٹرز کے غیر ملکی لیگز کیلئے این او سی معطل کردیے ہیں۔
پی سی بی نے ایشیا کپ میں شکست کے بعد قومی کرکٹرز کے غیر ملکی لیگز کے لیے جاری کیے گئے این او سی معطل کردیے ہیں۔
پی سی بی کے چیف آپریٹنگ آفیسر سمیر احمد کی جانب سے باضابطہ نوٹیفکیشن بھی جاری کردیا گیا ہے۔ سمیر احمد کی ہدایات پر قومی کرکٹرز کے این او سی ہولڈ کر دیے گئے ہیں۔
پی سی بی کی جانب سے ان کھلاڑیوں کو آسٹریلیا کی بگ بیش لیگ میں شرکت کے لیے این او سی جاری کیے گئے تھے۔ اس فیصلے کے تحت بڑے کھلاڑی بھی متاثر ہوں گے۔
بابر اعظم، شاہین آفریدی، محمد رضوان، فہیم اشرف، خوشدل شاہ اور حسان خان کو بھی بگ بیش کیلئے این او سی جاری کیے گئے تھے۔
ذرائع کا کہنا ہے کہ این او سی روکے جانے سے کھلاڑیوں کے غیر ملکی لیگ سے کنٹریکٹ متاثر ہوسکتے ہیں۔
پی سی بی نے قومی کرکٹرز کے غیر ملکی لیگز کیلئے این او سی معطل کر دیے
