لاہور( پاک ترک نیوز) پاکستان نے ایک ایسا قدم اٹھا لیا ہے جس نے دشمنوں پر کپکپی طاری کر دی ہے۔ دنیا بھر کے دفاعی حلقوں میں اس وقت صرف ایک ہی نام گونج رہا ہے۔ جے 35 اسٹیلتھ فائٹر جیٹ۔
رپورٹس کے مطابق پاکستان چین کے جدید ترین ففتھ جنریشن اسٹیلتھ طیارے خریدنے والا پہلا غیر ملکی ملک بننے جا رہا ہے، اور یہی خبر دشمن ممالک کیلئے ایک خوفناک خواب بنتی جا رہی ہے۔
ذرائع کے مطابق پاکستان ائیر فورس کیلئے 40 جدید جے 35 اسٹیلتھ فائٹرز حاصل کرنے کی تیاری مکمل ہو چکی ہے۔ یہ وہی جنگی جہاز ہے جسے امریکی ایف 35 کا سب سے خطرناک حریف کہا جا رہا ہے۔ ریڈار سے بچ نکلنے کی صلاحیت، جدید میزائل سسٹم، سپر سانک رفتار اور خاموش حملے کی طاقت نے اس جہاز کو فضائی جنگ کا نیا بادشاہ بنا دیا ہے۔
رپورٹس یہ بھی بتا رہی ہیں کہ پاکستانی پائلٹس کی خفیہ ٹریننگ چین میں شروع ہو چکی ہے جبکہ پاکستان کے ائیر بیسز پر خصوصی اپ گریڈیشن جاری ہے۔ یعنی صرف جہاز ہی نہیں، پوری فضائی طاقت کو ایک نئی شکل دی جا رہی ہے۔
جے 35 کی سب سے خطرناک بات اس کی اسٹیلتھ ٹیکنالوجی ہے۔ دشمن کے ریڈار کو چکمہ دے کر حملہ کرنا اس کی خاص مہارت سمجھی جاتی ہے۔ یہی وجہ ہے کہ بھارت سمیت کئی ممالک میں بے چینی بڑھتی جا رہی ہے۔ سوال یہ ہے کہ کیا جنوبی ایشیا میں اب فضائی طاقت کا نیا دور شروع ہونے والا ہے؟
پاکستان پہلے ہی جدید ڈرونز، میزائل سسٹمز اور جے ایف 17 تھنڈر کے ذریعے اپنی طاقت دکھا چکا ہے، لیکن جے 35 کی آمد ایک ایسا سرپرائز ثابت ہو سکتی ہے جو دشمن کی راتوں کی نیند اڑا دے۔ اب دنیا کی نظریں پاکستان اور چین کے اس دفاعی اتحاد پر جمی ہوئی ہیں۔
