آر اے شمشاد
انڈر 19ورلڈ کپ 2026کا آغاز ہو چکا ہے ۔ افتتاحی میچ بھارت اور امریکہ کی انڈر 19ٹیموں کے درمیان بلاوائیو میں کھیلا گیا ۔
پاکستان انڈر 19کرکٹ ٹیم ورلڈ کپ میں اپنے سفر کا آغاز کر رہی ہے ۔ پاکستان کا پہلا مقابلہ انگلینڈ کی ٹیم سے ہو گا ۔ یہ میچ ہرارے میں کھیلا جائے گا ۔ورلڈ کپ 2026میں قومی انڈر 19ٹیم کی قیادت فرحان یوسف کر رہے ہیں جبکہ عثمان خان ان کے نائب ہیں ۔
قومی انڈر 19ٹیم دوسرے میچ میں سکاٹ لینڈ کے مد مقابل آئے گی یہ میچ 26جنوری کو کھیلا جائے گا ۔قومی انڈر 19ٹیم آخری گروپ میچ میں زمبابوے سے ٹکرائے گی یہ میچ بھی ہرارے میں ہی کھیلا جائے گا ۔
پاکستان انڈر 19ٹیم نے آخری بار ٹائٹل 2006میں اپنے نام کیا تھا ۔ پاکستان یہ میگا ایونٹ لگا تار دو بار جیت چکا ہے ۔ اس سے قبل نے ٹرافی 2004میں اٹھائی تھی ۔اس کے بعد سے پاکستان مسلسل ٹائٹل کا متلاشی رہاہے ۔پاکستان اس ٹورنامنٹ کا تین مرتبہ رنر اپ بھی رہ چکا ہے ۔
انڈر 19ورلڈ کپ کا آغاز 1988میں ہوا تھا جس کا پہلا فاتح آسٹریلیا تھا جس نے پاکستان کو شکست دے کر پہلا ٹائٹل اپنے نام کیا تھا ۔اگر زیادہ ٹائٹل کی بات کی جائے تو بھارت اس فہرست میں 5ٹرافی اٹھا کر پہلے نمبر پر موجود ہے ۔
آسٹریلیا نے ٹائٹل 3بار اپنے نام کیا ہے جبکہ پاکستان 2بار آخری معرکہ سر چکا ہے ۔بنگلہ دیش ،سائوتھ افریقہ ، انگلینڈ اور ویسٹ انڈیز ایک ایک بار ٹرافی لے جا چکا ہے ۔
انڈر 19ورلڈ کپ میں سکور کی بات کی جائے تو انگلینڈ کے آئن مورگن اس فہرست میں سب سے آگے ہیں انہوں نے میگا ایونٹ میں 606رنز سکور کئے ہیں ۔ دوسرے نمبر پر زیادہ سکور کرنیوالے بلے باز پاکستان کے مایہ ناز کھلاڑی بابر اعظم ہیں جنہوں نے 585رنز بنا رکھےہیں ۔بھارت کے سرفراز خان 566رنز کے ساتھ تیسری پوزیشن پر موجود ہیں ۔
زیادہ وکٹوں کی انڈر 19ورلڈ کپ میں بات کی جائے تو زمبابوے کے مدھوویرے اور مپاکا 28،28وکٹوں کے ساتھ سر فہرست ہیں۔
