لاہور( پاک ترک نیوز) پاکستان سپر لیگ ( پی ایس ایل ) کے سیزن 11کا کل سے آغاز ہونے جا رہا ہے ۔
تفصیلات کے مطابق شائقین کرکٹ کی دھڑکنیں بےترتیب ہونے لگی ہیں ۔ پاکستان میں کرکٹ کا میلہ پی ایس ایل کے نئے سیزن 11کا کل سے آغاز ہونے جا رہا ہے ۔
افتتاحی میچ میں لاہور قلندرز اور حیدر آباد کنگز مین کی ٹیمیں کل قذافی سٹیڈیم میں مد مقابل آئیں گی ۔ لاہور قلندرز کی قیادت شاہین شاہ آفریدی کریں گے جبکہ حیدر آباد کے کپتان مارکوس لبھوشن کے ہاتھوں میں ہے۔
اب تک میگا ایونٹ کے 10ٹورنامنٹ ہو چکے ہیں جہاں اسلام آباد یونائیٹڈ اور لاہورقلندرز 3،3بار ٹرافی اپنے نام کر چکے ہیں ۔ ملتان سلطانز ، پشاور زلمی ، کراچی کنگز اور کوئٹہ گلیڈی ایٹرز ایک ایک بار ٹائٹل جیت چکے ہیں ۔
2025میں لاہور قلندرز نے ٹرافی اپنے نام کی تھی اوروہ اس وقت دفاعی چیمپئن ہیں ۔
پاکستان سپر لیگ سیزن 11کا کل سے آغاز
