کراچی (پاک ترک نیوز )پاکستان کو رواں مالی سال کے 10 ماہ میں 11 ارب ڈالر سے زائد غیر ملکی مالی معاونت ہوئی ۔
مالی سال 26-2025 کے دوران غیر ملکی معاونت میں 68 فیصد اضافہ ریکارڈ کیا گیا،اپریل میں پاکستان کو 39 کروڑ 56 لاکھ ڈالر کی بیرونی مالی معاونت موصول ہوئے ،سعودی عرب نے اپریل میں پاکستان کو 3 ارب ڈالر کے ڈپازٹس فراہم کیے۔
سعودی عرب سے اپریل میں 10 کروڑ 16 لاکھ ڈالر قرض موصول۔جولائی تا اپریل سعودی عرب سے ایک ارب ڈالر سے زائد قرضہ حاصل ہوا ۔ایشیائی ترقیاتی بینک نے 10 ماہ میں 74 کروڑ ڈالر سے زائد فراہم کیے،عالمی مالیاتی اداروں سے پاکستان کو 2 ارب 87 کروڑ ڈالر سے زائد امداد ملی،اسلامی ترقیاتی بینک نے 48 کروڑ ڈالر سے زائد قلیل مدتی قرض فراہم کیا،نیا پاکستان سرٹیفکیٹ کے تحت 10 ماہ میں 2 ارب ڈالر سے زائد آمدن ریکارڈ کی گئی ،اپریل میں نیا پاکستان سرٹیفکیٹ کے تحت 33 کروڑ ڈالر سے زائد موصول ہوئے ۔اقتصادی امور ڈویژن کے مطابق غیر ملکی معاونت گزشتہ سال کے مقابلے میں نمایاں بڑھی،چین، جاپان، جرمنی اور سعودی عرب پاکستان کے بڑے دوطرفہ شراکت دار رہے،اپریل میں نان پراجیکٹ امداد 4 ارب 21 کروڑ ڈالر ریکارڈ کی گئی،سعودی فنڈ فار ڈویلپمنٹ کے تحت پاکستان کو 10 کروڑ ڈالر آئل سہولت فراہم کیا گیا
پاکستان کو 10ماہ میں 11ارب ڈالر سے زائد غیر ملکی معاونت
