پاک بحریہ کا اینٹی شپ بیلسٹک میزائل کا کامیاب تجربہ

کراچی (پاک ترک نیوز) پاک بحریہ نے شمالی بحیرہ عرب میں مقامی طور پر تیار کردہ اینٹی شپ بیلسٹک میزائل کا کامیاب تجربہ کیا ہے ۔
برق رفتار میزائل نے طویل فاصلے پر موجود ہدف کو انتہائی درستگی سے نشانہ بنایا، نیول چیف ایڈمرل نوید اشرف، سائنسدانوں اور انجینئرز نے میزائل فائرنگ کا مشاہدہ کیا،میزائل جدید ترین گائیڈنس سسٹم اور دیگر خصوصیات کا حامل ،میزائل کا کامیاب تجربہ پاک بحریہ کی تکنیکی برتری اور عملی مہارت کا عکاس ۔
صدر مملکت ،وزیراعظم ،چیف آف ڈیفنس فورسز ،سروسز چیفس نے کامیاب تجربے پر یونٹس اور سائنسدانوں کو مبارکباد دی ہے۔