اسلام آباد ( پاک ترک نیوز) ایران کے وزیر داخلہ اسکندر مومنی کی وزارت داخلہ آمد ہوئی ہے جہاں پاکستانی ہم منصب محسن نقوی نے پرتپاک خیرمقدم کیا ،فیڈرل کانسٹیبلری کے چاق و چوبند دستے نے ایرانی وزیر داخلہ کو سلامی پیش کی ۔
ایرانی وفد کے اراکین کا وزیر داخلہ محسن نقوی جبکہ پاکستانی وزارت داخلہ کے ذیلی اداروں کے سربراہان کا ایرانی وزیر داخلہ سے تعارف کرایا گیا ۔
وفاقی وزیر داخلہ محسن نقوی اور ایرانی ہم منصب اسکندر مومنی کی ملاقات ہوئی ،دونوں ملکوں کے درمیان وفود کی سطح پر مذاکرات کیے گئے۔ دونوں وزرائے داخلہ نے دوطرفہ تعلقات اور باہمی تجارت کو مزید مستحکم بنانے کا عزم ، علاقائی صورتحال پر بھی تبادلہ خیال کیا گیا۔
یہ بھی پڑھیں: امریکہ اور ایران کے ایک دوسرے پر حملے
پاکستان اور ایران کے درمیان انسداد دہشت گردی اور انسداد منشیات کی شعبوں میں اشتراک بڑھانے کا فیصلہ کیا گیا ،غیر قانونی امیگریشن اور انسانی سمگلنگ کی روک تھام کیلئے تعاون کو فروغ دینے پر اتفاق کیا گیا ، افغان سرحد سے منشیات اور دہشتگردی روکنے کے لیے مشترکہ موقف اپنانے کی ضرورت پر زور دیا گیا۔دوطرفہ اشتراک کار بڑھانے کے لئے کوآرڈینیشن بہتر بنانے کا فیصلہ کیا گیا۔
وزیر داخلہ محسن نقوی نے کہا پاکستان ایران کے ساتھ تمام شعبوں میں تعاون بڑھانے کے لیے تیار ہے۔ ایرانی وزیر خارجہ عباس عراقچی اور ایرانی وزیر داخلہ اسکندر مومنی نے امن کیلئے غیر معمولی کام کیا۔امید ہےاب بھی اچھی خبر جلد سامنے آئے گی اور امن قائم ہو گا\ایرانی وفد میں گورنر جنرل سیستان بلوچستان، نائب وزیر داخلہ، نائب وزیر اربن ڈویلپمنٹ ٹرانسپورٹ، نیشنل ایرانی آئل کمپنی کے سربراہ، وزیر زراعت کے خصوصی نمائندے اور دیگر اعلی حکام شامل تھے ۔
وزیر مملکت داخلہ طلال چودھری ، وفاقی سیکرٹری داخلہ، چیئرمین نادرا، ڈی جی ایف آئی اے، ڈی جی اینٹی نارکوٹکس فورس، آئی جی فیڈرل کانسٹیبلری، ڈی جی این سی سی آئی اے، ڈی جی امیگریشن اینڈ پاسپورٹس،چیئرمین سی ڈی اے، آئی جی اسلام آباد پولیس اور ایڈیشنل سیکرٹریز داخلہ بھی موجود تھے۔
