آر اے شمشاد
پاکستان اور بنگلہ دیش کے درمیان ٹی ٹونٹی سیریز بارش سے متاثر ہونے کا امکان ہے ۔سیریز کے تینوں میچز ڈھاکہ میں کھیلے جائیں گے ۔
پاکستان اور بنگلہ دیش کے درمیان تین ٹی ٹونٹی میچز کی سیریز کا آغاز 20جولائی سے ہو گا ۔تین میچوں پر مشتمل سیریز میں بارش بھی رنگ میں بھنگ ڈالنے کا خطرہ ہے ۔
پاکستان کرکٹ ٹیم ٹی ٹوٹنی سیریز میں حصہ لینے کیلئے دو حصوں میں کراچی سے ڈھاکہ پہنچی تھی ۔ جہاں ٹیم نے گزشتہ روز آرام کیا اور آج سے بھرپور ٹریننگ سیشن میں حصہ لے گی ۔
بدھ کے روز بنگلا دیش نے سری لنکا کو تیسرے اور آخری ٹی 20 میچ میں 8 وکٹ سے شکست دے کر پہلی بار آئی لینڈ میں سیریز جیتنے کا کارنامہ انجام دیا ہے ۔
واضح رہے کہ تین ٹی ٹونٹی میچز پر مشتمل سیریز کا دوسرا ٹی ٹونٹی میچ 22جبکہ تیسرا اور آخری میچ 24جولائی کو ڈھاکہ میں کھیلا جائے گا ۔
https://www.youtube.com/shorts/SHbBbg8ngqM
اس سے قبل دونوں ٹیموں کے درمیان تین ٹی ٹوٹنی میچز پر مشتمل سیریز لاہور میں کھیلی گئی تھی جہاں پاکستان نے بنگلہ دیش کیخلاف کلین سوئپ کیا تھا ۔
