مشرق وسطیٰ میں جنگ بندی،پاکستان سے فضائی آپریشن بحال

لاہور (پاک ترک نیوز)مشرقِ وسطیٰ میں جنگ بندی کے بعد پاکستان میں فضائی آپریشن کی بحالی کا عمل شروع ہوگیا۔
لاہور ایئر پورٹ سے دبئی، ابو ظہبی، شارجہ، بحرین، کویت، دوحہ، جدہ اور دمام کیلئے 9 پروازیں روانہ ہوئیں، اسلام آباد انٹرنیشنل ایئرپورٹ سے 8 ، جناح انٹرنیشنل ایئرپورٹ کراچی سے 18، پشاور سے 6 اور ملتان ایئرپورٹ سے 4 پروازیں روانہ کی گئیں۔
ایئرپورٹ ذرائع کا کہنا ہے کہ فلائٹ آپریشن کی مکمل بحالی میں ابھی کچھ وقت لگے گا کیونکہ بعض ممالک میں فضائی حدود جزوی طور پر بند ہیں۔ جنگ کے دوران پاکستان سے تین ہزار سے زائد پروازیں منسوخ ہوئیں۔