چندی گڑھ ( پاک ترک نیوز) افغانستان کو واحد ٹیسٹ میں بھارت کے ہاتھوں ذلت آمیز شکست کا سامنا کرنا پڑا ۔بھارت نے میچ اننگز اور 300رنز کے بڑے مارجن سے اپنے نام کرلیا ۔
تفصیلات کےمطابق بھارتی سرزمین پر افغانستان کی میزبانی میں کھیلے گئے واحد ٹیسٹ میچ میں انڈیا نے افغانستان کو اننگز اور 300رنز سے شکست سے دوچار کیا ۔
بھارت نے پہلے بیٹنگ کرتے ہوئے 8وکٹوں کے نقصان پر 564رنز بنا کر اننگز ڈیکلیئر کردی تھی ۔
بھارت کی جانب سے کپتان شبمن گل نے 126جبکہ کول راہول نے 100رنز کی اننگز کھیلی ۔
افغانستان کی جانب سے محمد سلیم نے 6جبکہ ضیا الرحمن اور حشمت اللہ شہیدی نے ایک ایک کھلاڑی کو آئوٹ کیا ۔
افغانستان کی پوری ٹیم پہلی اننگز میں 152رنز سکی اور فالو آن کا شکار ہو گئی ۔
رحمت شاہ 60جبکہ گرباز 17رنز بنا کر نمایاں رہے ۔ بھارت کی جانب سے مانو سوتھر نے 6جبکہ کرشنا نے تین کھلاڑیوں کو آئوٹ کیا ۔
افغانستان کی ٹیم دوسری اننگز میں 112کی ہی مہمان ثابت ہوئی ۔ صدیق اللہ اتل نے 42رنز کی اننگز کھیلی جبکہ انڈیا کی جانب سے واشنگٹن سندر نے 4جبکہ کلدیپ یادیو نے تین کھلاڑیوں کو آئوٹ کیا ۔
