انقرہ ( پاک ترک نیوز) دنیا بھر میں غیر قانونی سرگرمیوں اور بدامنی میں ملوث افغانیوں کے گرد گھیرامزید تنگ،،مختلف جرائم میں ملوث غیرقانونی مقیم افغان مہاجرین میزبان ممالک کیلئے سیکیورٹی اورانتظامی چیلنج بن گئے ۔
ترکیہ اورجرمنی نے قتل،منشیات اورانسانی اسمگلنگ سمیت دیگرجرائم میں ملوث افغان شہریوں کیخلاف کریک ڈاؤن تیز کردیا۔ترک جریدہ اخلاص نیوز ایجنسی اور افغانستان انٹرنیشنل کے مطابق ترک سیکیورٹی فورسز نے صوبہ آغدیر میں کارروائی کرتے ہوئے 5انسانی سمگلرزاور11غیر قانونی افغان مہاجرین کوگرفتار کر کے اسلحہ برآمدکرلیا۔
یہ بھی پڑھیں: پاکستان میں دہشت گردی کے پیچھے بھارت اور افغانستان ہے،خواجہ آصف
افغان انٹرنیشنل کے مطابق 11غیرقانونی افغان مہاجرین کو ملک بدر کرنے کیلئے ڈی پورٹیشن مراکز اور5کو پراسیکیوٹر کے دفتر منتقل کردیا گیا ، رواں سال کے پہلے 5ماہ میں ترکیہ سے16ہزار436 افغان مہاجرین کوگرفتار کیا جاچکا ہے۔
عالمی میڈیا کے مطابق جرمنی جرائم کے مرتکب افغان شہریوں کے لیے ملک بدری کی پروازوں میں نمایاں طور پر اضافہ کرنے جارہا ہے۔
جرمن وزیرداخلہ نے کہا حال ہی میں جرمنی نےسنگین جرائم میں سزایافتہ32افغان شہریوں کو افغانستان واپس بھیجا،مزید100افغانوں کو جلد ملک بدرکیاجائےگا۔
