پشاور ( پاک ترک نیوز) خیبرپختونخوا میں نئی ٹیکس پالیسی نافذ کر دی گئی ، صوبہ بھرمیں مختلف کاروباری شعبوں، تجارتی سرگرمیوں، پیشہ ورانہ خدمات اور صنعتی اداروں کےلیے الگ الگ سالانہ فکس ٹیکس مقرر کیے گئے ہیں ۔
پٹرول، ڈیزل اور سی این جی فلنگ اسٹیشنز پر 35 ہزار روپے سالانہ ٹیکس عائد کیا گیا، رئیل اسٹیٹ ایجنسیوں، کارڈیلرز، ویڈیوشاپس اورنیٹ کیفےکےلیے 10 ہزارروپےسالانہ ٹیکس مقرر کیا گیا۔
یہ بھی پڑھیں: خیبر پختونخوا میں گلیشیائی جھیلوں کے پھٹنےکا الرٹ
ٹرانسپورٹرز اور ٹرانسپورٹ کمپنیوں پر صوبائی ہیڈکوارٹرز کی حدود میں 15 ہزار روپے اور دیگر علاقوں میں 10 ہزار روپے سالانہ ٹیکس نافذ کر دیا گیا۔
ذرائع کے مطابق اس اقدام کا مقصد ٹیکس نیٹ کو وسعت دینا، کاروباری سرگرمیوں کو دستاویزی شکل دینا اور صوبائی محصولات میں اضافہ کرنا ہے۔
