پشاور ( پاک ترک نیوز) خیبرپختونخوا کے بالائی علاقوں میں گلیشیائی جھیلوں کے پھٹنےکا الرٹ جاری کر دیا گیا ، پی ڈی ایم اے کا کہناہے شدید بارشوں کے باعث گلیشیائی جھیلوں کے پھٹنے اور لینڈ سلائیڈنگ کا خطرہ بڑھ گیا۔
پی ڈی ایم اے کے مطابق بائیس جون تک چترال ،سوات ،اپر دیر ،کوہستان ،مانسہرہ میں فلیش فلنڈنگ کا خطرہ ہے،حساس علاقوں میں ضلعی انتظامیہ کو ہائی الرٹ رہنے اور مسلسل نگرانی کی ہدایت کر دی گئی ،ریسکیو اداروں، مشینری اور ہنگامی عملے کو ہر وقت تیاررہنے کا کہہ دیا گیا ۔
پی ڈی ایم اے نےخطرے سے دوچار آبادی کو بروقت آگاہ کرنے اور محفوظ مقامات پر منتقل کرنے کی ہدایت کر دی ،مراسلے میں کہا گیا سیاح غیر ضروری سفر سے گریز کریں، دریا، ندی نالوں اور گلیشیائی علاقوں سے دور رہیں۔عوام بارشوں کے دوران برساتی ندی نالوں اور تیز بہاؤ والے پانی سے دور رہیں۔
یہ بھی پڑھیں: خیبر پختونخوا کا تقریباً2250ارب کا ٹیکس فری بجٹ آج پیش کیا جائے گا
پی ڈی ایم اے ترجمان نے کہا کسی بھی ہنگامی صورتحال میں فوری طور پر پی ڈی ایم اے ہیلپ لائن 1700 پر اطلاع دیں۔
