تہران ( پاک ترک نیوز) پاکستان اور قطر کی ثالثی میں مشرق وسطیٰ میں کشیدگی کم کرانے کی کوششوں میں اہم پیش رفت ہوئی ہے۔ایران امریکہ کے ساتھ مذاکرات کی بحالی کیلئے تیار ہو گیا۔ ایران اور امریکہ نے نئی تجاویز پر جواب پاکستان اور قطر کے حوالے کر دیئے۔
عرب نشریاتی ادارے العربیہ کی رپورٹ کے مطابق ایران اسلام آباد مفاہمتی یادداشت کی روشنی میں جنیوا ،دوحہ یا اسلام آباد میں مذاکرات کیلئے تیار ہے
ادھر ایرانی وزارت خارجہ کے ترجمان اسماعیل بقائی کا کہنا ہے پاکستان اور قطر سمیت ثالث ممالک پیغامات کا تبادلہ کر رہے ہیں ایران کی اولین ترجیح حملوں کے دوران اپنی خودمختاری کا دفاع کرنا ہے۔
یہ بھی پڑھیں: ایران ،امریکہ کے درمیان ثالثوں کے ذریعے تبادلہ جاری ہے ،اسماعیل بقائی
ایک انٹرویو میں اسماعیل بقائی نے کہا ایران نے مفاہمتی یادداشت کے تحت 30 دن کے اندر آبنائے ہرمز سے محفوظ گزرگاہ یقینی بنانے کا وعدہ پورا کیا، ایک سال میں تیسری بار مذاکرات کے دوران حملے کرکے ایران کی سفارتی کوششوں کو دھوکا دیا گیا۔
