راولپنڈی سے بھارتی شہری گرفتار

راولپنڈی (پاک ترک نیوز ) راولپنڈی میں تھانہ ویسٹریج کے علاقہ چوہڑ چوک سے بھارتی شہری گرفتار کر لیا گیا ۔
پولیس کی مدعیت میں بھارتی شہری کے خلاف مقدمہ درج کرلیا گیا۔ایف آئی آر کے مطابق مشکوک شخص دھمیال کی طرف جارہا تھا پولیس کو دیکھ کر واپس مڑا، مشکوک شخص سے شناختی دستاویزات طلب کی گئیں تو اسکے پاس کوئی دستاویز موجود نہ تھی۔
مشکوک شخص نے پولیس کو اپنا نام دلیر مشتاق ولد مشتاق احمد صوفی بتایا، مشکوک شخص نے پولیس کو بتایا وہ انڈیا کا سکونتی ہے، مشکوک شخص سے دو بال پین اور 1750 روپے پاکستانی کرنسی برآمد ہوئی، ملزم غیر قانونی طریقے سے پاکستان میں داخل ہوکر سکونت اختیار کرکے جرم کا ارتکاب کیا ہے۔