لاہور (پاک ترک نیوز )پی ٹی آئی چیئرمین بیرسٹر گوہر کا کہنا ہے کہ وہ بانی پی ٹی آئی کی بہنوں سے اظہارِ یکجہتی کے لیے لاہور آئے ہیں۔
بیرسٹر گوہر نے کہا کہ بانی پی ٹی آئی کی بہنوں کی گرفتاری بدترین سیاسی انتقام ہے۔ ان کے مطابق بانی پی ٹی آئی کی فیملی کے چار افراد اور پی ٹی آئی کے آٹھ ارکانِ قومی اسمبلی گرفتار ہیں، جبکہ وزرا لاپتا ہیں۔
انہوں نے الزام عائد کیا کہ خیبر پختونخوا میں بغیر گورنر راج نافذ کیے گورنر راج جیسی صورتحال پیدا کر دی گئی ہے۔ بیرسٹر گوہر کا کہنا تھا کہ خیبر پختونخوا کو ایک طرح سے مکمل طور پر کنٹرول کیا جا رہا ہے۔
پی ٹی آئی چیئرمین نے مزید کہا کہ خیبر پختونخوا میں ایم پی ایز اور ایم این ایز ان کی جماعت کے ہیں، لیکن ’’سکہ آپ کا چلتا ہے‘‘، جو ان کے بقول جمہوریت کے لیے خطرناک ہے۔
