بھارت دہشت گردی کو فروغ دے رہا ہے،عطا تارڑ

اسلام آباد ( پاک ترک نیوز) وفاقی وزیر اطلاعات عطا تارڑ کا کہناہے پاکستان دہشت گردی کے خلاف جنگ لڑ رہا ہے ۔
بھارت دہشت گردی کو فروغ دے رہا ہے، پاکستان امن پر یقین رکھتا ہے ،بھارت نے پاکستان پر جارحیت مسلط کی ۔
عطا تارڑ نے معرکہ حق کے حوالے سے سیمینار سے خطاب میں کہا بھارت دنیا بھر میں دہشت گردی میں ملوث ہے ،کلبھوشن یادیو کا پاکستان میں پکڑے جانا بھارتی دہشت گرد ذہنیت کی واضح مثال ہے،دہشت گردی انڈیا کا اندرونی مسئلہ ہے بیرونی نہیں۔
مقبوضہ کشمیر عالمی مسئلہ ہے ،بھارت اسے اندرونی مسئلہ نہیں کہہ سکتا ،داخلی مسائل کو خارجی اور خارجی مسائل کو داخلی رنگ دینا بھارت کا وتیرہ ہے ،عطا تارڑ نے مزید کہا بھارت نے پہلگام واقعے کی تحقیقات کیے بغیر پاکستان پر الزام عائد کیا ۔اب بھارت پہلگام واقعہ کی تحقیقات سے بھاگ رہا ہے۔