دبئی (پاک ترک نیوز )آئی سی سی ویمنز ٹی ٹوئنٹی کی تازہ درجہ بندی جاری کردی گئی۔بیٹرز کی درجہ بندی میں آسٹریلیا کی بیتھ مونی نے پہلی پوزیشن برقرار رکھی ہے، جبکہ بھارت کی سمرتی مندھانا ایک درجے ترقی کرکے پانچویں نمبر پر پہنچ گئی ہیں۔ٹاپ 10 بیٹرز میں کوئی پاکستانی کھلاڑی جگہ نہیں بنا سکی۔ پاکستان کی فاطمہ ثنا چار درجے بہتری کے بعد 23ویں نمبر پر آگئی ہیں، جبکہ بنگلہ دیش کی شرمین اختر نے 10 درجے ترقی کرکے 35ویں پوزیشن حاصل کرلی ہے۔
یہ بھی پڑھیں: ٹی 20رینکنگ ،پاکستان کے ابرار احمد عالمی نمبر ون باؤلر بن گئے
ٹی ٹوئنٹی باؤلرز کی درجہ بندی میں بھارت کی سری چرنی کی پہلی پوزیشن برقرار ہے۔ پاکستان کی نشرہ سندھو تین درجے بہتری کے بعد آٹھویں نمبر پر پہنچ گئی ہیں اور ٹاپ 10 میں شامل ہوگئی ہیں۔پاکستان کی ام ہانی نے شاندار چھلانگ لگاتے ہوئے 58 درجے بہتری حاصل کی اور 52ویں نمبر پر پہنچ گئیں۔ویمنز ٹی ٹوئنٹی آل راؤنڈرز کی درجہ بندی میں ویسٹ انڈیز کی ہیلی میتھیوز نے اپنی پہلی پوزیشن برقرار رکھی ہے۔
