دبئی ( پاک ترک نیوز) آئی سی سی کی ویمنز ٹی ٹوئنٹی پلیئرز کی تازہ درجہ بندی جاری کردی گئی۔بیٹرز کی درجہ بندی میں آسٹریلیا کی بیتھ مونی نے پہلی پوزیشن برقرار رکھی، جبکہ بھارت کی شفیالی ورما دو درجے بہتری کے بعد چوتھے نمبر پر آگئیں۔پاکستان کی شوال ذوالفقار نے شاندار بہتری حاصل کرتے ہوئے 16 درجے ترقی کی اور 29ویں پوزیشن پر پہنچ گئیں۔پاکستان کی عائشہ ظفر بھی 31 درجے بہتری کے بعد 40ویں نمبر پر آگئیں۔
یہ بھی پڑھیں: انگلینڈ کے فاسٹ باؤلر مارک ووڈ کا بین الاقوامی کرکٹ سے ریٹائرمنٹ کا اعلان
باؤلرز کی درجہ بندی میں بھارت کی سری چرنی نے پہلی پوزیشن برقرار رکھی۔پاکستان کی سعدیہ اقبال ایک درجہ بہتری کے بعد آٹھویں نمبر پر آگئیں، جبکہ نشرہ سندھو تین درجے تنزلی کے بعد 11ویں پوزیشن پر چلی گئیں۔فاطمہ ثنا نے پانچ درجے بہتری حاصل کی اور 24ویں نمبر پر پہنچ گئیں۔ویمنز ٹی ٹوئنٹی آل راؤنڈرز کی درجہ بندی میں ویسٹ انڈیز کی ہیلی میتھیوز نے پہلی پوزیشن برقرار رکھی۔
