لاہور( پاک ترک نیوز) پنجاب حکومت نے جائیداد کے نظام میں ایک اور بڑی ڈیجیٹل تبدیلی کر دی ہے ،نئے سسٹم کے تحت جائیداد کے مالک کیلئے اب گرین سرٹیفکیٹ ضروری قرار دیا گیا ہے۔پنجاب حکومت کا نیا نظام روایتی فرد کی جگہ لے رہا ہے ، ،۔آج ہم آپ کو اس ویڈیو میں گرین سرٹیفکیٹ حاصل کرنے کے بارے میں تفصیل سے اگاہ کریں گے۔
گرین سرٹیفکیٹ کے لیے جائیداد کے مالک کو اپنے قریبی اراضی ریکارڈ سینٹر پر جانا ہوگا اور گرین پراپرٹی سرٹیفکیٹ کے لیے درخواست جمع کروانی ہوگی۔ وہاں بائیومیٹرک تصدیق بھی کی جائے گی۔دوسرے مرحلے میں درخواست کے ساتھ ضروری دستاویزات جمع کرانا ہوں گی۔
یہ بھی پڑھیں: محفوظ محرم کے نام سے پہلی بار خصوصی ایپ تیار
گرین سرٹیفکیٹ کے لیے جو دستاویزات ضروری ہیں ،ان میں اصل شناختی کارڈ ،جائیداد کی رجسٹری یا انتقال کی کاپی ،اگر کسی سوسائٹی میں جائیداد ہے تو الاٹمنٹ لیٹر اور رجسٹرڈ موبائل فون نمبر شامل ہے۔ ،اوورسیز پاکستانیز کےلیے پاسپورٹ اور پاور آف اٹارنی ہونا چاہیئے۔
تیسرا مرحلہ فیس جمع کرانے کا ہے اس سرٹیفکیٹ کی ابتدائی فیس تقریباً 900 سے 950 روپے کے درمیان ہے، جو بینک آف پنجاب کے کاؤنٹر یا آن لائن پی ایس آئی ڈی کے ذریعے ادا کی جا سکتی ہے۔
