لاہور(پاک ترک نیوز )
حزب اللہ نے امریکہ کے ایران پر حملے کی صورت میں ایرانی سپر یم لیڈ ر علی خامنہ ای کو ریڈ لائن قرار دیدیا۔
فرانسیسی خبر رساں ایجنسی نے حزب اللہ کے ایک عہدیدار سے حوالے سے بتایا ہے کہ فوجی مداخلت کا کوئی ارادہ نہیں ہے اگر امریکہ ایران پر محدود حملے کرتا ہےفوجی مداخلت کا کوئی ارادہ نہیں ہے تاہم انہوں نے ایرانی سپریم لیڈر علی خامنہ ای کو نشانہ بنانے کو ریڈ لائن قرار دیتے ہوئے تنبیہ بھی جاری کی ہے۔
حزب اللہ کے عہدیدار کا کہنا تھا کہ اگر ایران پر امریکی حملے محدود ہوئے، تو حزب اللہ کا موقف فوجی مداخلت نہ کرنا ہے۔ لیکن اگر ان کا مقصد ایرانی نظام کو گرانا یا رہبرِ اعلیٰ آیت اللہ علی خامنہ ای کی ذات کو نشانہ بنانا ہوا تو حزب اللہ تب مداخلت کرے گی۔
حزب اللہ کے رہنما نے اس بات پر زور دیا کہ علی خامنہ ای کو کسی بھی قسم کا نشانہ بنانا ایک ایسی ریڈ لائن ہوگی جس پر خاموش نہیں رہا جا سکتا۔ اسی طرح کسی بھی ایسی جنگ کا مطلب جس کا مقصد ایران میں نظام کو گرانا ہو، حتمی طور پر یہ ہوگا کہ اسرائیل لبنان پر جنگ چھیڑنے میں جلدی کرے گا۔
انہوں نے واضح کیا کہ اس منظر نامے کے پیش نظر اس قوت جماعت کی مداخلت محدود نہیں ہوگی بلکہ یہ بقا کی جنگ ہوگی۔
