ترکیہ میں عدالت کے لاکر سے ایک ارب روپے مالیت کا سامان چوری

انقرہ ( پاک ترک نیوز) ترکیہ میں ایک عدالتی ملازم عدالت کے لاکر سے ایک ارب روپے مالیت کا قیمتی سامان چرا کر اہلِ خانہ سمیت برطانیہ فرار ہو گیا۔
ملازم نے عدالت کے لاکر میں رکھے گئے ضبط شدہ سونے کی اینٹیں، بسکٹ، زیورات، سونے کے سکے اور دیگر قیمتی اشیاء چوری کیں۔
سی سی ٹی وی فوٹیج کے مطابق واردات 13 نومبر کی صبح 7 بج کر 40 منٹ پر کی گئی جبکہ ملزم 19 نومبر کی صبح بیوی اور بچوں کے ہمراہ برطانیہ فرار ہوا۔
پولیس نے چوری کے مقدمے میں نامزد مشتبہ شخص کو حراست میں لے کر تفتیش شروع کر دی ہے۔