غزہ جنگ بندی مزاکرات اچھے انداز میں آگے بڑھ رہے ہیں۔ امریکی ایلچی اسٹیو ویٹکوف

دوحہ(پاک ترک نیوز)
غزہ میں جنگ بندی کے حصول کے لیے جاری مذاکرات اچھے انداز میں آگے بڑھ رہے ہیں۔اور اسرائیل کی جانب سے فراہم کئے گئےنئے نقشے معاہدے تک پہنچنے کے امکانات میں اہم پیش رفت کا اشارہ ہیں۔
ان خیالات کا اظہار جمعرات کے روز یہاںمشرق وسطیٰ کے لیے امریکہ کے خصوصی ایلچی اسٹیو ویٹکوف نےکیا ہے۔اس سے پہلے اسرائیلی وفد کی قطر اور مصر کے وفود سے ملاقات ہوئی جس میں اسرائیلی فریق نے نئے نقشے پیش کیے جو تل ابیب حکومت کی طرف سے اضافی لچک کا مظاہرہ ہے۔ انہوں نے مزید بتایا کہ اب توجہ موراغ راہ داری پر نہیں بلکہ رفح میں اسرائیلی فوج کی موجودگی پر مرکوز ہے۔ اور اب بات چیت کا مرکز یہی ہے۔
مزید براںواشنگٹن میں ایک قانون پر دستخط کی تقریب کے دوران امریکی صدر ڈونلڈ ٹرمپ نے اعلان کیا ہےکہ ہمارے پاس غزہ اور کچھ دیگر معاملات کے بارے میں اچھی خبریں ہیں جن پر ہم کام کر رہے ہیں۔ انھوں نے اس موقع پر ویٹکوف کا شکریہ بھی ادا کیا۔