چار کھلاڑیوں کو لیگز کرکٹ کھیلنے کیلئے اجازت مل گئی

لاہور( پاک ترک نیوز) پاکستان کرکٹ بورڈ نے چار کھلاڑیوں کو لیگز کرکٹ میں شرکت کے لیے این او سی جاری کر دیئے ۔
اسپنرز سفیان مقیم، محمد نواز، اسامہ میر کو انگلینڈ کی وائٹلٹی ٹی 20 بلاسٹ 2026 میں شامل ہونے کی اجازت دی گئی ۔سفیان مقیم 22 مئی سے 7 جون تک لیگ کرکٹ کھیلیں گے جبکہ نواز اور اسامہ میر جولائی کے آخر تک ٹی 20 کرکٹ کھیلیں گے۔
محمد عباس کو کاؤنٹی سیزن کے مختلف مراحل میں ڈربی شائر کی نمائندگی کرنے کے لیے این او سی جاری کیے گئے ۔
فاسٹ بولر اپریل، مئی، جون اور اگست سے ستمبر کے آخر تک ریڈ بال کرکٹ کھیلیں گے۔لیگ اسپنر اسامہ میر اس سے قبل 2023 کے ایڈیشن میں ووسٹر شائر کی نمائندگی کرچکے ہیں اور انہوں نے 11 میچز میں 7.29 کی اکانومی ریٹ سے 19 وکٹیں حاصل کیں۔محمد نواز اور سفیان مقیم پہلا وائٹلٹی ٹی 20 بلاسٹ ٹورنامنٹ کھیل رہے ہیں۔