ڈونلڈ ٹرمپ نے بھارت کا تجارت میں دوغلا پن بے نقاب کر دیا

واشنگٹن ( پاک ترک نیوز) امریکی صدرڈونلڈ ٹرمپ نے بھارت کا تجارت میں دوغلا پن بے نقاب کر دیا۔
امریکی صدر ڈونلڈٹرمپ کے حالیہ بیان سے بھارت کا تجارتی لحاظ سےمکروہ چہرہ دنیا کےسامنے آگیاامریکی صدر نے بھارت کی دوغلی تجارتی پالیسیوں سے پردہ ہٹاتے ہوئے کہا کہ کئی سالوں تک بھارت نے امریکا سے تجارتی فائدہ اٹھایا ہے،بھارت نے امریکا پربھاری ٹیرف لگائے اور بدلے میں کچھ نہیں دیا ،پہلے بھارت امریکا پریکطرفہ طورپر200 فیصد تک ٹیرف لگا دیتاتھا،صورتحال بدل چکی،اب امریکا بھارت سے بہت پیسہ کما رہاہے،امریکا پہلے بھی یکطرفہ تجارتی پالیسیوں کے باعث بھارت پر بھاری ٹیرف لگا چکاہے۔
ماہرین کے مطابق امریکی صدر ڈونلڈ ٹرمپ کے تازہ بیان نے ایک بارپھر عالمی سطح پربھارت کے مکروہ چہرے کا پردہ فاش کردیا ،بھارت نہ صرف تجارت بلکہ دہشتگردی جیسے حساس معاملے پر بھی دنیا سے حقائق چھپاکر دھوکہ دہی اور فریب کامظاہرہ کرتا ہے۔
ماہرین کے مطابق امریکی صدر کابیان صاف اشارہ ہے کہ مودی حکومت ایسا یکطرفہ معاہدہ کرنے جا رہی ہے جس سے بھارتی عوام کی معاشی کمرٹوٹ جائے گی۔امریکی صدر کے بھارت مخالف بیانات نے نئی دہلی اور واشنگٹن کے درمیان اچھے تعلقات کے تمام دعووں کی قلعی بھی کھول دی۔