ڈالر ،ریال ،درہم اور روپیہ،کرنسی ایک ممالک کئی

دنیا میں زیادہ تر ممالک اپنی الگ کرنسی استعمال کرتے ہیں لیکن کچھ ایسے ممالک بھی ہیں جہاں ایک ہی کرنسی کئی ریاستوں یا خطوں میں مشترکہ طور پر استعمال کی جاتی ہے۔ اس حوالے سے ایک رپورٹ دیکھتے ہیں۔
یورپ میں سب سے بڑی مثال یورو زون کی ہے، جہاں 20 سے زائد ممالک ایک ہی کرنسی یورو استعمال کرتے ہیں۔ ان ممالک میں جرمنی، فرانس، اٹلی، اسپین اور دیگر یورپی ریاستیں شامل ہیں، جس سے ان کے درمیان تجارت اور سفر انتہائی آسان ہو گیا ہے۔
ڈالر امریکا کی کرنسی ہے ،ایکوا ڈور ،پانامہ میں بھی ڈالر بنیادی کرنسی ہے ،مشرقی تیمور میں بھی امریکی ڈالر سرکاری کرنسی کے طور پر چلتا ہے۔،زمبابوے میں مقامی کرنسی کے ساتھ ساتھ امریکی ڈالر بھی سرکاری اورمتبادل کرنسی کے طور پر استعمال ہوتا ہے۔
خلیجی ممالک میں ریال کرنسی استعمال کی جاتی ہے ،سعودی عرب میں سعودی ریال، قطر میں قطری ریال، عمان میں عمانی ریال اور کویت میں کویتی دینار استعمال ہوتا ہے۔ اگرچہ یہ الگ الگ کرنسیاں ہیں، لیکن ان کی قدر زیادہ تر امریکی ڈالر سے منسلک رہتی ہے، جس سے خطے میں مالی استحکام برقرار رہتا ہے۔
متحدہ عرب امارات میں درہم کا نظام ہے ،ریال اور درہم کا نظام خلیجی ریاستوں میں ایک مضبوط مالی ڈھانچہ فراہم کرتا ہے، جہاں تیل کی معیشت بنیادی کردار ادا کرتی ہے۔
روپیہ کی کرنسی زیادہ تر جنوبی ایشیا تک محدود ہے۔ پاکستان ،بھارت میں روپیہ سرکاری کرنسی ہے ، نیپال میں بھارتی روپیہ استعمال ہو تا ہے ،سری لنکا کی اپنی کرنسی ہے جسے سری لنکن روپیہ کہتے ہیں ۔ ماریشس میں بھی روپیہ بطور قومی کرنسی استعمال ہوتا ہے۔
مغربی افریقہ میں سی ایف اے فرانک ایک مشترکہ کرنسی ہے جو کئی ممالک جیسے سینیگال، آئیوری کوسٹ اور مالی میں استعمال ہوتی ہے۔ یہ کرنسی فرانسیسی اثر و رسوخ کے تاریخی نظام سے جڑی ہوئی ہے۔
مزید برآں کچھ ممالک جیسے مونٹی نیگرو اور کوسوو اپنی کوئی سرکاری کرنسی نہ ہونے کے باوجود یورو کو ہی اپنی عملی کرنسی کے طور پر استعمال کرتے ہیں۔