لاہور ( پاک ترک نیوز) سعودی ریال اور امریکی ڈالر کے مقابلے میں پاکستانی روپیہ کتنا مستحکم رہا؟پاکستان کی اوپن مارکیٹ اور انٹر بینک میں غیر ملکی کرنسیوں کے تازہ ترین نرخ جاری کر دیے گئے ہیں،اور جمعہ 2 جنوری 2026 کو سامنے آنے والے اعداد و شمار کے مطابق فاریکس مارکیٹ میں مجموعی طور پر استحکام کا رجحان غالب رہا۔
ماہرین کے مطابق آج کرنسی مارکیٹ میں کوئی بڑا جھٹکا دیکھنے میں نہیں آیا،زیادہ تر اہم غیر ملکی کرنسیوں کے ریٹس محدود دائرے میں اتار چڑھاؤ کے ساتھ مستحکم رہے۔سب سے پہلے بات کرتے ہیں امریکی ڈالر کی۔ اوپن مارکیٹ میں امریکی ڈالر 281 روپے 10 پیسے میں خریدااور 283 روپے 10 پیسے میں فروخت ہو رہا ہے۔جبکہ انٹر بینک میں ڈالر کی قیمت280 روپے خرید اور 280 روپے 50 پیسے فروخت ریکارڈ کی گئی،جو اس بات کی علامت ہے کہ روپے پر دباؤ فی الحال محدود ہے۔
اب بات کرتے ہیں سعودی ریال کی،جو بیرونِ ملک مقیم پاکستانیوں کے لیے انتہائی اہم کرنسی سمجھی جاتی ہے۔اوپن مارکیٹ میں سعودی ریال74 روپے 80 پیسے میں خریدااور 75 روپے 45 پیسے میں فروخت ہو رہا ہے۔جبکہ انٹر بینک میں سعودی ریال74 روپے 67 پیسے خریداور 74 روپے 80 پیسے فروخت پر مستحکم رہا۔ماہرین معیشت کا کہنا ہے کہ کرنسی مارکیٹ میں یہ معمولی رد و بدلعالمی مالیاتی منڈیوں کی صورتحال،درآمدات و برآمدات کے دباؤاور مقامی سطح پر طلب و رسد کے توازن کا نتیجہ ہے۔
یورو، برطانوی پاؤنڈ، درہم اور دیگر اہم کرنسیوں میں بھیآج کوئی غیر معمولی تبدیلی دیکھنے میں نہیں آئی۔تاہم ماہرین خبردار کرتے ہیں کہ عالمی مالیاتی حالات میں کسی بھی بڑی تبدیلییا مقامی معاشی دباؤ کی صورت میںآنے والے دنوں میں فارن کرنسی ریٹس میںاتار چڑھاؤ کا امکان موجود ہے۔فی الحال،ڈالر اور سعودی ریال کے مقابلے میںپاکستانی روپیہ نسبتاً مستحکم دکھائی دے رہا ہے،جو مارکیٹ کے لیے ایک مثبت اشارہ ہے۔
