عدالتوں کے معاملات کا فیصلہ عدالتوں نے ہی کرنا ہے رانا ثناء اللہ

اسلام آباد ( پاک ترک نیوز) وزیر اعظم کے مشیر برائے سیاسی امور رانا ثناء اللہ نے کہا ہے کہ عدالتوں کے معاملات کا فیصلہ عدالتوں نے ہی کرنا ہے، جبکہ سیاسی معاملات میز پر بیٹھ کر حل کیے جاسکتے ہیں۔میڈیا سے گفتگو کرتے ہوئے رانا ثناء اللہ نے کہا کہ سیاسی جماعتیں بیٹھ کر جو بھی بات کرنا چاہیں، کریں، حکومت سیاسی اصولوں اور قانون کے مطابق جواب دے گی۔انہوں نے کہا کہ یہ طریقہ مناسب نہیں کہ وزیر اعظم کو خط لکھا جاسکتا ہے لیکن ملاقات نہیں کی جاسکتی۔ ان کا کہنا تھا کہ اس قسم کی سوچ سیاسی رواداری کو نقصان پہنچاتی ہے۔

رانا ثناء اللہ نے کہا کہ سیاسی معاملات میں بات چیت کے لیے بیٹھنا چاہیے اور جو مسائل سیاسی نوعیت کے ہیں، انہیں سیاسی انداز میں ہی حل کیا جاسکتا ہے۔انہوں نے واضح کیا کہ عدالتوں سے متعلق معاملات عدالتوں کے دائرہ اختیار میں ہیں اور ان پر فیصلہ بھی عدالتوں نے ہی کرنا ہے۔