صنعا ( پاک ترک نیوز) یمن میں حوثی ملیشیا کی جانب سے سعودی عرب کے شہر مدینہ میں بجلی کی تنصیب پر ڈرون حملے کے چند گھنٹے بعد یمنی فوج نے صنعا سمیت مختلف علاقوں میں حوثیوں کے اہم ٹھکانوں کو نشانہ بنانے کا دعویٰ کیا ہے۔یمنی فوج کے مطابق صنعا، صعدہ اور تعز میں حوثی ملیشیا کے متعدد مقامات پر کارروائیاں کی گئیں۔ صنعا میں اہم اہداف کو نشانہ بنایا گیا جبکہ صعدہ میں 11 اہداف پر حملے کیے گئے۔
یہ بھی پڑھیں: بات چیت میں کبھی جھجک محسوس کی نہ انا آڑے آئی، طلال چودھری
یمنی فوج کا کہنا ہے کہ تعز میں حوثیوں کے ایک مربوط فوجی نظام کے خلاف 27 فضائی حملے کیے گئے۔دوسری جانب سعودی عرب کے اتحادی افواج کے
ترجمان میجر جنرل ترکی المالکی نے کہا ہے کہ 29 ستمبر کی صبح مدینہ میں طیبہ بجلی گھر کو ڈرون کے ذریعے نشانہ بنایا گیا۔
ترجمان کے مطابق ابتدائی تحقیقات سے معلوم ہوا کہ حملے کی منصوبہ بندی اور کارروائی حوثی ملیشیا نے کی۔ حکام نے حملے کے بعد عملی جائزہ لینے کے ساتھ ڈرون کے ملبے کا بھی معائنہ کیا تاکہ حملے کے ماخذ کی تصدیق کی جا سکے۔
