راولپنڈی ( پاک ترک نیوز) پاکستان کے ون ڈے کپتان شاہین شاہ آفریدی کا کہنا ہے امید ہے بابر اعظم کی پاکستان سپر لیگ میں شاندار فارم آسٹریلیا کے خلاف آئندہ ون ڈے سیریز میں بھی برقرار رہے گی اور وہ پاکستان کو میچ جتوائیں گے ، نئے کھلاڑیوں کی ٹیم میں شمولیت کے بارے میں شاہین نے گزشتہ دو سے تین سیریز سے نوجوان کھلاڑیوں کو مواقع دیے جا رہے ہیں تاکہ آئندہ ورلڈ کپ کے لیے بہترین ٹیم کا انتخاب ممکن ہو سکے۔
قومی ٹیم کے ہیڈ کوچ کے اس بیان پر کہ بعض کھلاڑی اپنی سو فیصد کارکردگی نہیں دے پا رہے، شاہین نے کہا کہ ہر کھلاڑی کو اپنی کارکردگی بہتر بنانے کی ضرورت ہے اور کوچ نے یقیناً متعلقہ کھلاڑیوں سے بات کی ہوگی۔ میں کسی ایک کھلاڑی پر نظر نہیں رکھتا بلکہ پوری ٹیم کی کارکردگی پر توجہ دیتا ہوں۔ تاہم ہیڈ کوچ چیزوں کو مختلف انداز سے دیکھتے ہیں، کوچ نے جن کھلاڑیوں کی بات کی ہے انہیں اپنی کارکردگی بہتر بنانی چاہیے،ہم سب کی کوشش ہوگی کہ ٹیم کو میچز جتوائیں۔ یہ ہماری ذمہ داری بھی ہے اور فرض بھی۔
محمد رضوان کی ٹیم سے عدم شمولیت کے حوالے سے شاہین نے کہا کہ جلد بازی میں نتائج اخذ نہیں کرنے چاہئیں۔ میں اور بابر بھی ماضی میں ٹیم سے باہر ہو چکے ہیں۔ اگر رضوان اس سیریز میں شامل نہیں تو اس کا مطلب یہ نہیں کہ ان کا کرکٹ کیریئر ختم ہو گیا ۔ نوجوان کھلاڑیوں کو موقع دینا ضروری ہے تاکہ ورلڈ کپ کے لیے مضبوط ٹیم تیار کی جا سکے، تاہم کسی ایک سیریز کی بنیاد پر کسی کھلاڑی کے مستقبل کا فیصلہ نہیں کیا جا سکتا۔
کپتان شاہین آفریدی کو بابر اعظم کی فارم برقرار رہنے کی امید
