وزیراعلیٰ سندھ سے برطانوی ڈپٹی ہائی کمشنر کی الوداعی ملاقات

کراچی ( پاک ترک نیوز) وزیراعلیٰ سندھ سے برطانوی ڈپٹی ہائی کمشنر نے الوداعی ملاقات کی ہے ۔
ملاقات میں باہمی دلچسپی، سرمایہ کاری، تعلیم اور ترقیاتی تعاون پر تبادلہ خیال کیا گیا ۔ مراد علی شاہ نے لانس ڈوم کیلئے نیک خواہشات کا اظہار اور دوطرفہ تعلقات کے فروغ میں لانس ڈوم کے کردار کی تعریف کی ۔
برطانوی ڈپٹی ہائی کمشنر نے سندھ میں جاری ترقیاتی اقدامات کو سراہا،وزیراعلیٰ سندھ نے کہا پاکستان اور برطانیہ کے تعلقات تاریخی اور مضبوط ہیں،برطانوی ڈپٹی ہائی کمشنر نے کراچی میں تعیناتی کے دوران تعاون پر اظہارِ تشکر کیا ،وزیراعلیٰ سندھ نے برطانوی ڈپٹی ہائی کمشنر لانس ڈوم کو شیلڈ، اجرک اور سندھی ٹوپی کے تحائف دیئے۔