سڈنی ( پاک ترک نیوز) پاکستان کرکٹ ٹیم کے مایہ ناز بلے باز بگ بیش لیگ میں ایک بار پھر ناکام ہوگئے ۔ بابراعظم کی ٹیم سڈنی سکسرز نے میلبورن سٹرائیکر کو جیت کیلئے 145رنز کا ہدف دیدیا۔
تفصیلات کےمطابق سڈنی میں کھیلے جا رہے ہیں بگ بیش لیگ کے 11ویں میچ میں میلبورن سٹرائیکر نے ٹاس جیت کر پہلے بائولنگ کا فیصلہ کیا ۔
سڈنی سکسرز کی جانب سے بابراعظم اور ڈینیل ہیوجز نے اننگز کا آغاز کیا تاہم بابراعظم متاثر کن کارکردگی کا مظاہرہ نہ کر سکے اور محض 2رنزکے ہی مہمان ثابت ہوئے ۔
بابراعظم کی سڈنی سکسرز نے مقرر بیس اوورز میں پوری ٹیم کے نقصان پر 144رنز بنا ئے ۔سڈنی سکسرز کی جانب سے ڈینئل ہیوجز نے 60کپتان ہیورکینز نے 18رنزسکورکئے ۔
میلبورن سٹرائیکر کی جانب سے ٹام کرن اور پیٹر سڈل نے تین تین کھلاڑیوں کو آئوٹ کیا ۔
سڈنی سکسز اس سے قبل تین میچز کھیل چکی ہیں اور اسے ایک میں کامیابی حاصل ہوئی ہے جبکہ دو میں اسے شکست کا سامنا کرنا پڑا ہے۔
واضح رہے کہ پاکستان کرکٹ ٹیم کے مایہ نازبلے باز بابراعظم بگ بیش لیگ میں پہلی مرتبہ حصہ لےرہے ہیں ۔انہوں نے سڈن سکسرز کی جانب سے کھیلتے ہوئے پہلے میچ میں 2جبکہ دوسرے میچ میں 9رنز جبکہ تیسرے میچ میں 58رنز سکورکئے تھے ۔
