لاہور(پاک ترک نیوز)
پاکستان کرکٹ ٹیم کے مایہ ناز بلے بابراعظم نے ویرات کوہلی کا اہم ریکارڈ توڑ دیا ۔ بابر اعظم نے ٹی ٹونٹی میں زیادہ نصف سنچریوں کا ریکارڈ برابر کردیا ۔
بابراعظم نے ٹی ٹونٹی انٹرنیشنل میں 38نصف سنچریاں سکور کی ہیں ۔ اس سے قبل سابق بھارتی کپتان ویرات کوہلی نے سب سے زیادہ 38نصف سنچریاں سکور کررکھی تھیں۔
قومی مایہ ناز بلے باز بابراعظم نے یہ کارنامہ زمبابوے کیخلاف کھیلے گئے سہ ملکی سیریز کے اہم میچ میں انجام دیا ۔ انہوں نے زمبابوے کیخلاف ٹی ٹونٹی میچ میں 74رنز سکور کئے اور ٹیم کے سہ ملکی سیریز کے فائنل میں پہنچنے میں اپنا کردار بھی ادا کیا ۔
بابراعظم نے 134میچز کھیل کر 38نصف سنچریاں سکور کی ہیں جبکہ انہوں نے ٹی ٹونٹی انٹرنیشنل میں 3تھری فیگر اننگز بھی کھیل رکھی ہیں ۔ واضح رہے کہ بابر اعظم ٹی ٹونٹی میں سب سے زیادہ رنز کا ریکارڈ بھی رکھتے ہیں ۔انہوں نے 4392رنز سکور کر رکھے ہیں ۔
ٹی ٹونٹی انٹرنیشنل میں سب سے زیادہ نصف سنچریوں سکور کرنیوالے تیسرے کھلاڑی سابق بھارتی قائد روہت شرما ہیں انہوں نے 32نصف سنچریاں سکور کی ہیں جبکہ پاکستان کے محمد رضوان 30نصف سنچریوں کے ساتھ چوتھے نمبر پر موجود ہیں ۔
