جعلی خبروں کا دن، سچ پہ بھاری پڑ گیا اپریل فول

لاہور( پاک ترک نیوز) آج یکم اپریل کو اپریل فول ہے ،ہر سال یکم اپریل کو لوگوں سے مذاق کر کے یا جھوٹ بول کر اپریل فول منایا جاتا ہے عوام کسی بھی طرح کی اچانک اور غیر معمولی اطلاع پر یقین کرنے سے پہلے اس کی تصدیق کر لیں کہ کہیں ان کے ساتھ اپریل فول تو نہیں منایا جارہا ۔
کہا جاتا ہے کہ اس کی ابتدا یورپ سے ہوئی، جب کیلنڈر میں تبدیلی کے بعد کچھ لوگ پرانے انداز پر قائم رہے اور انہیں مذاق کا نشانہ بنایا گیا۔وقت کے ساتھ یہ روایت سوشل میڈیا تک پہنچ گئی، جہاں چھوٹا سا مذاق بعض اوقات بڑی غلط فہمی یا خوف کا سبب بن جاتا ہے۔
ماہرین کے مطابق، جھوٹی خبریں یا حساس معاملات پر مذاق نہ صرف لوگوں کو گمراہ کر سکتا ہے بلکہ معاشرے میں بے چینی بھی پیدا کر سکتا ہے۔ہمیں ایسا مذاق کرنا چاہیے جس سے کسی کی دل آزاری نہ ہو،سوشل میڈیا پر تو لوگ حد ہی پار کر دیتے ہیں،“بچوں کو بھی سکھانا چاہیے کہ مذاق کی حد ہوتی ہے۔