لاہور(پاک ترک نیوز ) مہنگائی نے جہاز سے سفر کرنے والے مسافروں کی تعداد میں کمی کر دی۔مسافروں کی تعداد کم ہونے پر اندرون اوربیرون ملک کی ایک سو بیس پروازیں منسوخ کر دی گئیں۔لاہور علامہ اقبال انٹرنیشنل ایئرپورٹ سمیت ملک بھر کے ائیرپورٹس سے اندرون اور بیرون ممالک جانے والی پرواز وں میں انتہائی کمی ہو گئی
ایئر پورٹ ذرائع کے مطابق کراچی اسلام آباد ملتان پشاور سیالکوٹ کوئٹہ اور فیصل آباد کی 20 پروازیں منسوخ ہوئیں
یہ بھی پڑھیں: برطانیہ کا سفر کرنے والے پاکستانیوں کے لیے خوشخبری
شارجہ بحرین کویت قطر دوبئی دوحہ انستبول فجیرہ کی 100 پروازوں کو روک دیا گیا ،کراچی ائیرپورٹ سے 27 اور لاہور ایئر پورٹ سے اٹھارہ پروازوں کو منسوخ کیا گیا
اسلام آباد ایئر پورٹ سے اکیس ،ملتان ایئر پورٹ سے نو ،پشاور سے تیرہ پروازیں منسوخ کی گئیں ،سیالکوٹ سے چار اور فیصل آباد ایئرپورٹ سے آٹھ پروازیں منسوخ ہوئیں
مسافروں کی تعداد بڑھانے کے لیے ملکی و غیر ملکی ائیر لائنز نے اندرون ملک کرائے میں پندرہ سے بیس ہزار روپے کی کمی بھی کر دی
