نئی دہلی (پاک ترک نیوز )ایئر انڈیا کے پائلٹ کا دوران پرواز چرس کے استعمال کا انکشاف ۔۔نشئی پائلٹ کی غفلٹ سے جہاز تین سو فٹ تی نیچے آ گیا ۔
ایئر انڈیا کی فوکٹ سے نئی دہلی جانے والی پرواز کے کپتان کے تصدیقی ڈرگ ٹیسٹ میں چرس کی موجودگی کی تصدیق ہوگئی۔ رائٹرز کے مطابق واقعے کے بعد بھارتی حکام نے تحقیقات تیز کردی ہیں۔
پرواز کے دوران طیارہ اچانک تقریباً 300 فٹ نیچے آگیا، جس کے نتیجے میں 13 مسافر اور عملے کے 4 ارکان زخمی ہوئے۔ طیارے میں 137 مسافر اور عملے کے 8 ارکان سوار تھے اور پرواز بحفاظت نئی دہلی پہنچ گئی۔
بھارتی وزارتِ شہری ہوا بازی نے واقعے کی تحقیقات شروع کر رکھی ہیں جبکہ ایئر انڈیا کے چیف ایگزیکٹو کیمبل ولسن کو بھی طلب کرکے تحقیقات پر بریفنگ لی گئی۔
ابتدائی ڈرگ اسکریننگ کے بعد پائلٹ کے نمونے مزید تصدیقی ٹیسٹ کے لیے لیبارٹری بھیجے گئے تھے، جس میں ماریجوانا کا ٹیسٹ مثبت آنے کی اطلاع سامنے آئی ہے۔
