لاہور( پاکت رک نیوز) آن لائن رکشہ سواری کے دوران خاتون اور ڈرائیور کے درمیان بحث و تکرار ہوئی، جس کے بعد ڈرائیور نے مبینہ طور پر رنجش کی بنا پر خاتون کا موبائل نمبر رشتہ ایپ پر اپلوڈ کردیا۔
لاہور پولیس کے مطابق نمبر رشتہ ایپ پر اپلوڈ ہوتے ہی خاتون کو اجنبی افراد کی جانب سے مسلسل فون کالز موصول ہونے لگیں۔خاتون نے معاملے کی شکایت ڈی آئی جی آپریشنز کی کھلی کچہری میں کی، جس پر پولیس نے تحقیقات شروع کردیں۔ڈی آئی جی آپریشنز کے مطابق پولیس تحقیقات میں رکشا ڈرائیور لطیف کے خاتون کا نمبر رشتہ ایپ پر اپلوڈ کرنے میں ملوث ہونے کا انکشاف ہوا۔
یہ بھی پڑھیں: صومالیہ میں قزاقوں کے قبضے سے آئل ٹینکر ’’آنر 25‘‘ بازیاب، 3 پاکستانیوں سمیت 5 افراد قتل
پولیس ترجمان کے مطابق نشتر کالونی پولیس نے ملزم لطیف کے خلاف مقدمہ درج کرکے اسے گرفتار کرلیا ہے۔ڈی آئی جی آپریشنز کا کہنا ہے کہ خواتین کو ہراساں کرنا اور ذاتی معلومات کا غلط استعمال کسی صورت برداشت نہیں کیا جائے گا۔
